பொன்னழகன் வண்ணத்துப்பூச்சி

தென்னிந்தியாவின் மிகப்பெரிய வண்ணத்துப்பூச்சியான பொன்னழகன் (Southern Birdwing) மதுரை மாவட்டம், பேரையூர் வட்டம், எழுமலை நகருக்குள் ஆவணம் செய்யப்பட்டுள்ளது. பொன்னழகன் வண்ணத்துப்பூச்சி தென்னிந்தியாவில் மட்டுமே காணப்படும் ஒரு அகணிய உயிரினமாகும்.

Photo by Mr. A. Naveen at Elumalai, Madurai district on 04.10.2025


பொன்னழகன் வண்ணத்துப்பூச்சி ஏற்கனவே மதுரை சதுரகிரி மலை, வாசிமலை ஆகிய மலையடிவாரத்தில் கடந்த வருடம் ஆவணம் செய்யப்பட்டது. பொதுவாக மரங்கள் சூழ்ந்த காட்டுப்பகுதியில், மலையடிவாரத்தில் காணப்படும் பொன்னழகன் வண்ணத்துப்பூச்சிகள், குடியிருப்புகள் நிறைந்த நகருக்குள் காண்பது அரிது. இந்நிலையில் அடர்ந்த குடியிருப்புகள் சூழ்ந்த எழுமலை நகருக்குள் ஒரு மரத்தில் பொன்னழகன் பட்டாம்பூச்சியை மதுரை இயற்கை பண்பாட்டு குழுவினர் புகைப்படக் கருவி மூலம் பதிவு 04.10.2025 அன்று பதிவு செய்துள்ளனர். எழுமலை பகுதியில் எடுக்கப்பட்ட பொன்னழகன் பட்டாம்பூச்சியின் புகைப்படம் இப்பதிவில் இணைக்கப்பட்டுள்ளது.

இந்தியாவில் காணப்படும் வண்ணத்துப்பூச்சிகளில் இரண்டாவது பெரிய வண்ணத்துப்பூச்சியாக பொன்னழகன் அறியப்படுகிறது. 190 மில்லிமீட்டர் வரை நீளமுடைய இறகுகள் கொண்ட பொன்னழகன் கண்டறியப்பட்டுள்ளன. வட இந்திய மற்றும் இமாலய பகுதிகளில் காணப்படும் பொன்னழகன் (Golden Birdwing - Troides aeacus) தான் இந்தியாவில் காணப்படும் மிகப் பெரிய வண்ணத்துப்பூச்சி ஆகும். 194 மில்லிமீட்டர் நீளமுடைய இறகுகள் கொண்ட வட பொன்னழகன் வண்ணத்துப்பூச்சிகள் கண்டறியப்பட்டுள்ளன.

தென்னிந்தியாவில் காணப்படும் பொன்னழகனும் (Southern Birdwing), வட இந்தியாவில் காணப்படும் பொன்னழகனும் (Golden Birdwing) ஒரே குடும்பத்தை சேர்ந்து வெவ்வேறு சிற்றினமாகும்.


Common Name: Southern Birdwing
Binomial Name: Troides minos
Family: Papilionidae (Swallowtail)

மதுரை இயற்கை பண்பாட்டு அறக்கட்டளை (MNCF)

Comments

Post a Comment

Popular posts from this blog

கள்ளங்காடு பெருங்கற்கால சின்னங்களும் அழகுநாச்சியம்மன் கோயில்காடும்

Image
கள்ளங்காடு  பெருங்கற்கால சின்னங்களும்  அழகுநாச்சியம்மன்  கோயில்காடும்       மதுரை மாவட்டம், மேலூர் வட்டம், கொட்டாம்பட்டி ஊராட்சி ஒன்றியம், வஞ்சிநகரம் ஊராட்சிக்கு உட்பட்ட மூவன் சிவல்பட்டி, நாகப்பன் சிவல்பட்டி, கள்ளங்காடு உள்ளிட்ட கிராமங்களில் பலநூறு ஏக்கர் பரப்பளவில் தொன்மையான கோயில்காடுகளும், தொல்லியல் மேடுகளும், பிற்கால  பாண்டியர் கோயிலும் காணப்படுகிறது. சுமார் 3500 ஆண்டுகள் தொன்மையான கல்பதுக்கை, கற்திட்டை, குத்துக்கல், கல்வட்டம், கற்குவியல், முதுமக்கள் தாழி உள்ளிட்ட பல வகையான பெருங்கற்கால சின்னங்கள் நூற்றுக்கணக்கில் இப்பகுதியில் காணப்படுகிறது. மேலும் இப்பகுதியில் சிவப்பு நிற பானை ஓடுகள், சுட்ட செங்கற்கள், இரும்பு கசடுகள் படிந்த செம்புரான் கற்கள் இப்பகுதி முழுதும் கிடைக்கின்றன. நாட்டார் வழிபாட்டில் பண்பாட்டு மற்றும் பல்லுயிரிய முக்கியத்துவம் வாய்ந்த கோயில் காடுகளும் இப்பகுதியில் காணப்படுகிறது. அழகு நாச்சியம்மன் கோயில் காடும், பெருங்காட்டு கருப்பு கோயில் காடும் இப்பகுதியில் ஆவணம் செய்யப்பட்டுள்ளது. இக் கோயில்காடுகளில் தேவாங்கு, காட்டு பூனை, மரநாய்...
Read more

வைகையாறு உயிர்ச்சூழல் - பண்பாட்டுச் சூழலியல் நோக்கில் ஆய்வு

Image
வைகையாறு உயிர்ச்சூழல் - பண்பாட்டுச் சூழலியல் நோக்கில் ஆய்வு ஆய்வின் நோக்கம் : வைகையாற்றின் தாவர மற்றும் பல்லுயிரிய சூழலின் நிலை குறித்து அறிந்து கொள்ளுதல் வைகையாற்றின் மீது மக்கள் கொண்டுள்ள பண்பாட்டு உறவு குறித்து அறிந்து கொள்ளுதல்   நகரமய விரிவாக்கம் வைகையாற்றின் மீது ஏற்படுத்திய தாக்கம் குறித்து அறிந்து கொள்ளுதல் வைகையாற்றி ல்   மணல் பரப்பின் நிலை குறித்து அறிந்து கொள்ளுதல் வைகையாற்றி ல்  நேரடியாக கழிவு நீர் கலக்கும் இடங்களை அறிந்து கொள்ளுதல் வைகையாற்று நீரின் தன்மை மற்றும் தரம் குறித்து அறிந்து கொள்ளுதல் வைகையாற்றின் உயிரிச்சூழலை மேம்படுத்தி, பாதுகாக்கும் நோக்கோடு தன்னார்வமாக ஆய்வு மேற்கொள்ளுதல் ஆய்வுக்காலம் & பின்னணி: தேனி மாவட்டம் மூலவைகை பகுதியான வாலிப்பாறை என்னும் மலைக்கிராமம் துவங்கி வைகையாறு கடலில் கலக்கும் கழிமுக பகுதியான ராமநாதபுரம் மாவட்டம் ஆற்றங்கரை ஊராட்சி வரை ஆய்வு மேற்கொள்ளப்பட்டது. தென்மேற்கு பருவமழையின் முடிவில் அணைகள் நிரம்பி  வைகையாற்றில்  வெள்ளம் கரைபுரண்டு ஓடும்  காலத்தில் இந்த ஆய்வு ம...
Read more

வறல் புல்வெளிகள், கள்ளிக்குடி - பண்பாட்டுச் சூழல் நடை

Image
 வறல் புல்வெளிகள், கள்ளிக்குடி - பண்பாட்டுச் சூழல் நடை        Arid Grasslands, Kallikudi - Cultural Nature Walk  மதுரை மாவட்டம், திருமங்கலம் வட்டம், கள்ளிக்குடி ஊராட்சி ஒன்றியத்திற்கு உட்பட்ட வெள்ளாகுளம் வறல் புல்வெளிகள் பகுதிக்கு 22.12.2024 அன்று காலை  பண்பாட்டு சூழல் நடையின் 26வது பயணமாக சென்று இருந்தோம். இந்நிகழ்வில் ஏறக்குறைய 50 பேர் வரை பங்கெடுத்தனர். உலர் இலையுதிர்காடு, புதர் காடு, கோயில்காடு, பள்ளத்தாக்கு, மலை, குன்று, கரடு, பாறை, அருவி, ஆறு, சுனை, ஏரி, குளம், அணை, வயல்வெளி என மதுரை மாவட்டத்தில் காணப்படும் குறிஞ்சி, முல்லை, மருதம் உள்ளிட்ட திணை மண்டலத்தின் பல்வேறு நிலவியல் அமைப்புகள் ஊடே பயணித்து, அப்பகுதியின் முதற்பொழுது மற்றும் கருப்பொருள் குறித்த கள ஆவணங்களை சேகரித்து வந்து இருக்கிறோம். முல்லைத் திணை உயிரியல் மண்டலத்தின் ஒரு பகுதியாக விளங்கும் வறல் புல்வெளிகளை பண்பாட்டுச் சூழலியல் நோக்கில் மதுரை கள்ளிக்குடியில் ஆவணம் செய்தோம். மதுரை மாவட்டத்தின் காணப்படும் வறல் புல்வெளிகள் குறித்த உரையாடலுக்கு இந்நிகழ்வு வலு சேர்க்கும் என்று நம்புகிறோம்....
Read more