மதுரையில் கவைவால் கொண்டைக் கரிச்சான்

மதுரை மாவட்டத்தில் கவைவால் கொண்டைக் கரிச்சான் குருவி (Hair-crested Drongo – Dicrurus hottentottus) முதல்முறையாக ஆவணம் செய்யப்பட்டுள்ளது.


இந்தப் பறவை சீனா, வங்காளதேசம், வடகிழக்கு இந்தியா உள்ளிட்ட பகுதிகளில் இயல்பாகக் காணப்படுகிறது. குளிர்காலங்களில் தென்னிந்திய பகுதிகளுக்கு வலசையாக வரக்கூடியது. மலர்தேன் மற்றும் பூச்சிகளை உணவாகக் கொள்ளும் இப்பறவைகள் பெரும்பாலும் சிறிய குழுக்களாகச் செயல்படுவதுடன், அதிக ஒலியெழுப்பும் தன்மையுடையவையாகும்.

கருமை நிறம் கொண்ட, மினுமினுப்பான உடல்தோற்றத்துடன் காணப்படும் இப்பறவையின் நெற்றியில் நீளமான, மெல்லிய முடி போன்ற இறகுகள் தெளிவாகக் காணப்படும். வால் பகுதி ஆழமாக இரண்டாகப் பிளந்த (deeply forked tail) அமைப்பைக் கொண்டது என்பது இதன் முக்கிய அடையாளமாகும்.

இந்த அரிய பதிவு 08.02.2026 அன்று மதுரை மாவட்டம் மஞ்சமலை அடிவாரப் பகுதியில், மருத்துவர் ஹீமோக்ளோபின் மற்றும் பாலகிருஷ்ணா அவர்களால் மேற்கொள்ளப்பட்டது. இங்கு காணப்பட்ட கவைவால் கொண்டைக் கரிச்சான், இமயமலைப் பகுதிகள் அல்லது வடகிழக்கு இந்தியாவிலிருந்து வலசையாக வந்திருக்கலாம் என கணிக்கப்படுகிறது.

பொதுவாக அடர்ந்த காடுகளில் காணப்படும் இப்பறவை, மலையடிவாரப் பகுதிகளிலும் சமவெளிகளிலும் அரிதாகவே தென்படும். அந்த வகையில், மதுரை மாவட்டத்தில் முதல்முறை இப்பறவை பதிவு செய்யப்பட்டது குறிப்பிடத்தக்கதாகும்.

சில ஆண்டுகளுக்கு முன்பு இப்பறவையை திண்டுக்கல் கரந்தமலை பகுதியில் ஆவணம் செய்திருப்பதாகவும் அப்போதும் இப்பறவை அயல்மரத்தில் காணப்பட்டதாகவும் பறவையியலாளர் மரு. பத்ரி நாராயணன் அவர்கள் தெரிவித்தார்.

மதுரை இயற்கை பண்பாட்டு அறக்கட்டளை (MNCF) சார்பில் மதுரை மாவட்ட பல்லுயிரிய பதிவேடு தொகுக்கப்பட்டு வருகிறது. இதுவரை மாவட்டத்தில் 320-க்கும் மேற்பட்ட பறவைகள் ஆவணம் செய்யப்பட்டுள்ளன. அந்தப் பட்டியலில் புதிய விருந்தினராக இணைந்துள்ள கவைவால் கொண்டைக் கரிச்சான் குருவியை மகிழ்ச்சியுடன் வரவேற்கிறோம்.






படமெடுத்தவர்கள்: மருத்துவர் ஹீமோக்ளோபின் & பாலகிருஷ்ணா
படத்தில் உள்ள பறவை: கவைவால் கொண்டைக் கரிச்சான்
Hair-crested Drongo (Dicrurus hottentottus)
கரிச்சான் அமர்ந்திருக்கும் மரம்: இலவம் (Ceiba pentandra)


அதே நாளில், அதே பகுதியில் மூன்று வகை கரிச்சான் குருவிகளும், மூன்று வகை மாங்குயில்களும் மருத்துவர் ஹீமோக்ளோபின் & பாலகிருஷ்ணா
அவர்களால் ஆவணப்படுத்தப்பட்டன. அவை
1. கவைவால் கரிச்சான் / Hair-crested Drongo (Dicrurus hottentottus)
2. சாம்பல் கரிச்சான் / Ashy Drongo (Dicrurus leucophaeus)
3. வெண்வயிற்று கரிச்சான் / White-bellied Drongo (Dicrurus caerulescens)
4. மாங்குயில் / Indian Golden Oriole (Oriolus kundoo)
5. கருந்தலை மாங்குயில் / Black-hooded Oriole (Oriolus xanthornus)
6. கரும்பிடரி மாங்குயில் / Black-napped Oriole (Oriolus chinensis)








ஒளிப்படங்கள்: காட்டுயிர் ஒளிப்பட கலைஞர் பாலகிருஷ்ணா


மதுரை இயற்கை பண்பாட்டு அறக்கட்டளை
10.02.2026

Comments

Post a Comment

Popular posts from this blog

கள்ளங்காடு பெருங்கற்கால சின்னங்களும் அழகுநாச்சியம்மன் கோயில்காடும்

Image
கள்ளங்காடு  பெருங்கற்கால சின்னங்களும்  அழகுநாச்சியம்மன்  கோயில்காடும்       மதுரை மாவட்டம், மேலூர் வட்டம், கொட்டாம்பட்டி ஊராட்சி ஒன்றியம், வஞ்சிநகரம் ஊராட்சிக்கு உட்பட்ட மூவன் சிவல்பட்டி, நாகப்பன் சிவல்பட்டி, கள்ளங்காடு உள்ளிட்ட கிராமங்களில் பலநூறு ஏக்கர் பரப்பளவில் தொன்மையான கோயில்காடுகளும், தொல்லியல் மேடுகளும், பிற்கால  பாண்டியர் கோயிலும் காணப்படுகிறது. சுமார் 3500 ஆண்டுகள் தொன்மையான கல்பதுக்கை, கற்திட்டை, குத்துக்கல், கல்வட்டம், கற்குவியல், முதுமக்கள் தாழி உள்ளிட்ட பல வகையான பெருங்கற்கால சின்னங்கள் நூற்றுக்கணக்கில் இப்பகுதியில் காணப்படுகிறது. மேலும் இப்பகுதியில் சிவப்பு நிற பானை ஓடுகள், சுட்ட செங்கற்கள், இரும்பு கசடுகள் படிந்த செம்புரான் கற்கள் இப்பகுதி முழுதும் கிடைக்கின்றன. நாட்டார் வழிபாட்டில் பண்பாட்டு மற்றும் பல்லுயிரிய முக்கியத்துவம் வாய்ந்த கோயில் காடுகளும் இப்பகுதியில் காணப்படுகிறது. அழகு நாச்சியம்மன் கோயில் காடும், பெருங்காட்டு கருப்பு கோயில் காடும் இப்பகுதியில் ஆவணம் செய்யப்பட்டுள்ளது. இக் கோயில்காடுகளில் தேவாங்கு, காட்டு பூனை, மரநாய்...
Read more

இராமநாதபுரம் கிழக்கு கடற்கரையின் பல்லுயிர் சூழலும் பண்பாட்டுக் கூறுகளும்

Image
இராமநாதபுரம் கிழக்கு கடற்கரையின்  பல்லுயிர் சூழலும்   பண்பாட்டுக் கூறுகளும் பண்பாட்டுச் சூழல் நடை   உலக அலையாதிக்காடுகள் தினத்தை முன்னிட்டு மதுரை இயற்கை பண்பாட்டு அறக்கட்டளை ஒருங்கிணைப்பில் இராமநாதபுரம் மாவட்டம் கிழக்கு கடற்க்கரை சாலைகளில் உள்ள அலையாத்திக்காடுகள், ஆற்றின் கழிமுகங்கள், வரலாற்று தளங்கள் சென்று பார்வையிட்டோம். 27.07.2025, ஞாயிறு அன்று பண்பாட்டு சூழல் நடையின் 33வது பயணத்தில் சுமார் 30க்கும் மேற்பட்டோர் பங்கெடுத்தனர்.  காலை 5 மணிக்கு மதுரை மாட்டுத்தாவணி பேருந்து நிலையத்தில் இருந்து தனி சிற்றுந்து வாகனத்தில் புறப்பட்டு காலை 8.30 மணிக்கு இராமநாதபுரம் சுற்றுச் சாலையில் உள்ள வசந்தம் உணவகத்தில் காலை உணவை சாப்பிட்டோம். பின் அங்கிருந்து காலை 9.15 மணிக்கு இராமநாதபுரம் மாவட்டம், மண்டபம் வட்டம், ஆற்றாங்கரை ஊராட்சி பகுதியில் வைகை பொழிக்கு (estuary) வந்து சேர்ந்தோம். வைகையாறும் - பாக் விரிகுடா கடலும் கூடுமிடத்தை பார்வையிட்டோம். கடல்வாழ் உயிரிகள், கடல்சார் பறவைகள் குறித்து திரு. இரவீந்திரன் அவர்களும், வைகையின் கழிமுக பகுதியில் காணப்படும் தாவரங்கள் குறித்து திரு. ...
Read more

அருவிமலை - பண்பாட்டுச் சூழல் நடை

Image
அருவிமலை - பண்பாட்டுச் சூழல் நடை  பண்பாட்டுச் சூழல் நடையின் 23 வது பயணமாக மேலூர் வட்டம், கச்சிராயன்பட்டி ஊராட்சிக்குட்பட்ட பால்குடி கிராமத்தில் அமைந்துள்ள அருவிமலைக்கு 29.09.2024, ஞாயிறு சென்று இருந்தோம். இந்நிகழ்வில் ஏறக்குறைய 60 பேர் வரை பங்கெடுத்தனர்.  பண்பாட்டுச் சூழல் நடை - குழு புகைப்படம் சமணர் கற்படுக்கை, பாறையில் இரண்டடுக்கு உரல், விளக்கு போன்ற ஐந்து பாறை குழிகள், சிதைந்த நிலையில் கிடைத்த பிற்கால பாண்டிய மன்னரின் சிவன் கோயில், சூலக்கல், பெரிய கண்மாய் மடைத்தூண் கல்வெட்டு, அருவிக்குளம் ஊற்று, பல்லுயிரிகளின் வாழிடம் என வரலாற்று நோக்கில் புதிய கண்டறிதல்களும், பல்லுயிரிய அடிப்படையில் விரிவான ஆவணங்களும்  அருவிமலை பயணத்தில் கிடைக்கப் பெற்றோம்.  அருவிமலையில் முல்லை மற்றும் பாலைத் திணைக்குரிய உயிரினங்களையும் அத்திணைகளுக்குரிய மக்கள் வாழ்வியல் கூறுகளையும் காண முடிகிறது. அருவிமலை:  அருவிமலை மேற்கு பக்கம் அருவிமலை மேற்கு பக்கம் அருவிமலை தென்கிழக்கு பக்கம் மதுரை மாவட்டம், மேலூர் வட்டம், கச்சிராயன்பட்டி ஊராட்சிக்கு உட்பட்ட பால்குடி என்னும் கிராமத்தில் உள்ளது...
Read more